Núpur. Ljósmynd BJ 1988.
Búseta 1695-2014
Núpur. Túnakort frá árinu 1919. Þjóðskjalasafn Íslands.
Núps er fyrst getið í gjafabréfi Lofts Guttormssonar ríka á Möðruvöllum frá 1430, þar sem hann gefur Ormi syni sínum jörðina. Jörðin var metin á 24 hundruð að fornu, en á 10,7 hundruð samkvæmt nýrra mati. Frá Núpi var Ólafur Sívertssen (Sigurðsson) forvígismaður Framfarafélags Flateyjar, faðir Eiríks Kúlds í Stykkishólmi og forfaðir Katrínar Jakobsdóttur formanns VG.
Á sjöunda áratug síðustu aldar var reist nýtt íbúðarhús á Núpi talsverðan spöl vestan við gamla bæinn, sem síðan var rifinn. Á kortunum hér að neðan eru bæði bæjarstæðin sýnd. Ekki er fráleitt að bærinn Kothali staðið þar sem nýja íbúðarhúsið á Núpi er núna.
Gamli bærinn á Núpi
Núpur fór í eyði árið 1973. Jörðin var um tíma í eigu Olíuverslunar Íslands (BP) sem reisti þar þrjá sumarbústaði fyrir starfsfólk Olíuverslunarinnar. Síðar komst jörðin í eigu læknamiðstöððvar í Reykjavík.